Nitnem Steek - Amrit Myi Baniya Da Guldasta

ਨਿਤਨੇਮ ਸਾਹਿਬ ਦੀਆਂ ਬਾਣੀਆਂ -

ਜਾਪੁ ਸਾਹਿਬ - ਅੰਮ੍ਰਿਤ-ਮਈ ਬਾਣੀਆਂ ਦਾ ਗੁਲਦਸਤਾ ਵਿੱਚ ਜਾਪੁ ਸਾਹਿਬ ਬਾਣੀ ਅੰਦਰ ਬਹੁਤ ਹੀ ਸਰਲ ਢੰਗ ਨਾਲ ਵਿਆਖਿਆ ਕੀਤੀ ਗਈ ਹੈ। ਜਿਸ ਵਿੱਚ ਗੁਰੂ ਸਾਹਿਬਾਂ ਦੁਆਰਾ ਆਤਮ ਗਿਆਨ ਅਤੇ ਬ੍ਰਹਮ ਗਿਆਨ ਦੀ ਪ੍ਰਾਪਤੀ ਵਾਸਤੇ, ਪੁਰਾਤਨ ਸਮੇਂ ਤੋਂ ਚਲੇ ਆ ਰਹੇ ਸੂਤਰਾਂ ਨੂੰ ਇੱਕ ਨਿਵੇਕਲੇ ਅਤੇ ਸਰਲ ਅੰਦਾਜ ਵਰਨਣ ਕੀਤਾ। ਜਿਸ ਗਿਆਨ ਦੇ ਪ੍ਰਾਪਤ ਹੋਣ ਤੋਂ ਬਾਅਦ, ਪ੍ਰਮਾਤਮਾ ਅਤੇ ਆਤਮਾ ਦੇ ਨਜਾਰਿਆ ਬਾਰੇ ਕਿਸ ਤਰਾਂ ਦਾ ਅਨੁਭਵ ਹੁੰਦਾ ਹੈ ਅਤੇ ਵਿਸਮਾਦ ਦੀ ਅਵਸਥਾ ਵਿੱਚ ਪ੍ਰਮਾਤਮਾ ਅਤੇ ਉਸਦੀ ਸ੍ਰਿਸ਼ਟੀ ਕਿਵੇਂ ਵਿਸਮਾਦਿਤ ਭਰੀ ਲੱਗਦੀ ਹੈ ਉਹਨਾਂ ਸਾਰਿਆਂ ਛੰਦਾਂ ਨੂੰ ਬੜੇ ਸੁਖਾਲੇ ਢੰਗ ਨਾਲ ਇੱਕ ਨਿਵੇਕਲੇ ਅੰਦਾਜ਼ ਵਿੱਚ ਪੇਸ਼ ਕੀਤਾ ਹੈ।

ਸਵਯੇ - ਗੁਰੂ ਸਾਹਿਬਾਂ ਦੀ ਇਸ ਰਚਨਾ ਵਿੱਚ, ਜੀਵਨ ਦੀ ਅਸਥਿਰਤਾ ਅਤੇ ਪਖੰਡ ਨਾਲ ਭਰੇ ਹੋਏ ਕਰਮਕਾਂਡਾਂ ਤੋਂ ਬਾਹਰ ਹੋ ਕੇ, ਕੇਵਲ ਪ੍ਰਮਾਤਮਾ ਦੀ ਅਰਾਧਨਾ ਬਾਰੇ ਵਰਨਣ ਕੀਤਾ ਹੈ।

ਅਨੰਦੁ ਸਾਹਿਬ - ਇਸ ਬਾਣੀ ਵਿੱਚ ਸੁਰਤੀ ਦੇ ਰਸਤੇ ਤੇ ਚੱਲਣ ਵਾਸਤੇ, ਅਲੱਗ-ਅਲੱਗ ਢੰਗਾਂ ਬਾਰੇ ਚਾਨਣਾ ਪਾਇਆ ਗਿਆ ਹੈ।ਜਿਨਾਂ ਤੇ ਚੱਲ ਕੇ ਉਸ ਬ੍ਰਹਮ ਗਿਆਨ ਦੇ ਅਨੰਦ ਨੂੰ ਪ੍ਰਾਪਤ ਕੀਤਾ ਜਾ ਸਕਦਾ ਹੈ। ਜਿਸ ਦੇ ਪੈਦਾ ਹੋਣ ਤੇ ਜੀਵਨ ਨੂੰ ਸਥਿਰਤਾ ਅਤੇ ਆਤਮਿਕ ਸ਼ਾਂਤੀ ਦੇ ਰਸਤੇ ਤੇ ਚਲਾਇਆ ਜਾ ਸਕਦਾ ਹੈ।

ਰਹਰਾਸਿ ਸਾਹਿਬ - ਇਸ ਬਾਣੀ ਵਿੱਚ ਅਲੱਗ-ਅਲੱਗ ਗੁਰੂ ਸਾਹਿਬਾਂ ਦੁਆਰਾ ਫੁੱਲਾਂ ਦੇ ਗੁਲਦਸਤੇ ਦੀ ਤਰ੍ਹਾਂ, ਆਤਮਿਕ ਜੀਵਨ ਦੇ ਹਰ ਪਹਿਲੂ ਉੱਤੇ ਚਾਨਣਾ ਪਾਇਆ ਗਿਆ ਹੈ। ਜਿਸ ਵਿੱਚੋਂ ਵੱਖ-ਵੱਖ ਫੁੱਲਾਂ ਦੀ ਖੁਸ਼ਬੋ ਵਾਂਗ, ਆਤਮਿਕ ਜੀਵਨ ਦੇ ਨਜਾਰਿਆਂ ਦੀਆਂ ਝਲਕਾਂ ਨੂੰ ਬਹੁਤ ਸੁੰਦਰ ਤਰੀਕਿਆ ਨਾਲ ਵਰਨਣ ਕੀਤਾ ਹੈ। ਗੁਰਬਾਣੀ ਦੇ ਇਹਨਾਂ ਇਛਾਰਿਆਂ ਨੂੰ ਜੀਵਨ ਵਿੱਚ ਅਪਨਾਅ ਕੇ, ਆਤਮਿਕ ਅਨੰਦ ਦੀਆਂ ਝਲਕਾਂ ਨੂੰ ਪ੍ਰਾਪਤ ਕੀਤਾ ਜਾ ਸਕਦਾ ਹੈ।

ਸੋਹਿਲਾ - ਇਸ ਬਾਣੀ ਵਿੱਚ ਮਨੁੱਖੀ ਜੀਵਨ ਦੇ ਉਦੇਸ਼ ਬਾਰੇ ਵਿਸ਼ਥਾਰ ਸਹਿਤ ਚਾਨਣਾ ਪਾਇਆ ਗਿਆ ਹੈ। ਆਪਣੇ ਜੀਵਨ ਵਿੱਚ ਆਤਮਿਕ ਅਨੰਦ ਦੀ ਪ੍ਰਾਪਤੀ ਵਾਸਤੇ, ਰੱਬ ਦੇ ਪਿਆਰਿਆਂ ਦੀ ਸੰਗਤ ਕਰਨ ਨਾਲ, ਮਨ ਉੱਪਰ ਵਿਕਾਰਾਂ ਦੇ ਪ੍ਰਭਾਵਾਂ ਤੋਂ ਬਚਿਆ ਜਾ ਸਕਦਾ ਹੈ। ਜਿਸ ਨਾਲ ਵਿਕਾਰਾਂ ਦੇ ਘੇਰੇ ਤੋਂ ਉੱਪਰ ਉੱਠ ਕੇ, ਉਸ ਅਫੁਰ ਅਵਸਥਾ ਨੂੰ ਪ੍ਰਾਪਤ ਕੀਤਾ ਜਾ ਸਕਦਾ ਹੈ। ਜਿੱਥੇ ਅਸੀਂ ਕੇਵਲ ਇੱਕ ਵਿਚਾਰ (ਹੋਣਾ, ਕੌਸ਼ੀਅਸਨੈਸ) ਮਾਤਰ ਹੀ ਰਹਿ ਜਾਂਦੇ ਹਾਂ। ਉਸੇ ਅਵਸਥਾ ਨੂੰ ਗੁਰੂ ਸਾਹਿਬ ਇਸ ਬਾਣੀ ਵਿੱਚ, 'ਸੋਹਿਲਾ' ਸਿਰਲੇਖ ਹੇਠ ਵਰਨਣ ਕਰਦੇ ਹਨ। ਜੋ ਕਿ ਸਾਡੇ ਮਨੁੱਖਾਂ ਜੀਵਨ ਦੀ ਮੰਜਲ ਹੈ।